"MY" 2025/26 mövsümündə qol vurma şanslarına görə Premyer Liqada liderlik edir

İngiltərə Premyer Liqasının 2025/2026 mövsümündə ən çox qol vəziyyəti yaradan komanda “Mançester Yunayted” olub.

90deqiqe.Az-ın "WhoScored"ə istinadən məlumatına görə, “qırmızı şeytanlar” mövsüm ərzində 207 qol vəziyyəti yaradaraq liqanın lideri olublar. İkinci yerdə “Liverpul” (204 vəziyyət), üçüncü yerdə isə “Mançester Siti” (186 vəziyyət) qərarlaşıb. Onları “Çelsi” (181) və “Arsenal” (171) izləyir.

17 turdan sonra “Mançester Yunayted” 26 xalla cədvəldə 7-ci yeri tutur. “Liverpul” 29 xalla 5-ci, “Mançester Siti” isə 37 xalla 2-ci yerdədir və lider “Arsenal”dan cəmi 2 xal geri qalır. "Çelsi" də 29 xalla 4-cü sıradadır, lakin əlavə göstəricilər baxımından "Liverpul"dan geri qalır.