“Əsas hədəf mövsümün sonunda kubokları qazanmaqdır”

“Arsenal”ın müdafiəçisi Vilyam Saliba komandanın əhval-ruhiyyəsi barədə danışıb.

90deqiqe.Az xəbər verir ki, "Goal" nəşri fransalı futbolçunun dediklərini belə çatdırıb.

“Bizim əhval-ruhiyyəmiz yaxşıdır, amma anlayırıq ki, hələ dekabr ayıdır və futbolda hər şey çox tez dəyişə bilər. Konsentrasiya olunmalı, özümüzə inanmalı və çalışmaqda davam etməliyik. Ən önəmlisi isə mövsümün sonunda kubokları əlimizdə tutmaqdır”

Qeyd edək ki, “Arsenal” Premyer Liqada Milad lideridir. Klub hazırda turnir cədvəlinin birinci pilləsində qərarlaşıb, lakin ikinci yerdəki “Mançester Siti”dən yalnız 2 xal üstünlüyü var. Üçüncü pillədə isə “Aston Villa” on ardıcıl qələbə ilə klubun təqibini davam etdirir. Dekabrın 27-si, şənbə günü, “Arsenal” Premyer Liqada orta səviyyəli “Brayton” komandası ilə qarşılaşacaq.