Qvardiola Milad süfrəsi sonrası çəkisini etiraf etdi

"Mançester Siti”nin baş məşqçisi Xosep Qvardiola Milad bayramında çəkisində baş verən dəyişiklikləri zarafatla şərh edib.

90deqiqe.Az-ın məlumatına görə, çalışdırıcı bu barədə klubun rəsmi saytına açıqlamasında bildirib.

“Bayram zamanı dörd-beş kiloqram artımım oldu, amma hər şey çox yaxşı keçdi”

Xatırladaq ki, Qvardiola əvvəllər bildirmişdi ki, əgər futbolçulardan biri bayram zamanı təxminən üç kiloqram çəki qazansa, həmin oyunçu “Nottingem Forest”a qarşı matçda iştirak etməyəcək. Komanda qarşılaşmanı dekabrın 27-si, şənbə günü keçirəcək.

Hazırda “Mançester Siti” Premyer Liqada ikinci pillədədir, lider “Arsenal”dan isə iki xal geri qalır.