Lempardın komandası Çempionşipdə tarixi rekord qırdı

"Koventri Siti" komandası Frank Lempardın rəhbərliyi altında Çempionşipdə  "Suonsi Siti" üzərində minimal hesabla qələbə qazanaraq turnir cədvəlində liderliyini möhkəmlədib.

90deqiqe.Az xəbər verir ki, Çempionşip lideri beləliklə, 2008/2009 mövsümündə “Vulverhempton”un əldə etdiyi rekordunu təkrarlayıb.

Həmin mövsümdə “Canavarlar” liqa tarixində ilk klub olmuşdu ki, ilk dövrənin sonunda 50-dən çox xal və 50 qol toplamışdı. Lempardın komandası da indi buna nail olub – aktivində 51 xal və 54 qol var. Bundan əlavə, “Koventri” "Middlsbro" üzərində 8 xallıq üstünlük qazanıb.

Komandanın növbəti oyunu bazar ertəsi günü “İpsviç”lə olacaq.