“Məqsədimiz Premyer Liqada zirvədə olmaqdır”

“Liverpul”un yarımmüdafiəçisi Florian Virts İngiltərə Premyer Liqasının cari mövsümündə komandalarının məqsədləri barədə danışıb.

90deqiqe.Az xəbər verir ki, alman futbolçu bu barədə jurnalistlərə açıqlamasında deyib.

“Biz elə bu şəkildə oynamağı istəyirik. Turnir cədvəlinin zirvəsində olmaq istəyirik. Mövsümə çətin başladıq, amma tədricən yaxşılaşırıq və xallar toplayırıq.”

Qeyd edək ki, 27 dekabrda keçirilən “Liverpul” – “Vulverhempton” oyunu 2:1 hesabı ilə meydan sahiblərinin qələbəsi ilə başa çatıb. Bu nəticədən sonra “Liverpul” 32 xalla 4-cü pillədədir. Komandanı lider “Arsenal”dan 10 xal ayırır.