“Arteta "Arsenal"da heyətin dərinliyini köklü şəkildə dəyişdi”

“Arsenal”ın sabiq futbolçusu Robert Pires komandanın baş məşqçi Mikel Artetanın rəhbərliyi altında keçdiyi dəyişikliklər barədə fikirlərini bölüşüb.

90deqiqe.Az xəbər verir ki, "FlashScore" sabiq futbolçunun dediklərini belə çatdırıb.

“Arteta çox şeyi dəyişib, ilk növbədə heyətin dərinliyi baxımından. Ehtiyat skamyadakı oyunçuların keyfiyyəti çox vacibdir. Mənim üçün indiki ‘Arsenal’ın əsas fərqi təkcə start heyəti deyil, həm də ehtiyat oyunçuların səviyyəsidir. Əvəzlənmədən meydana çıxan futbolçular dərhal komandaya kömək edə bilirlər. Bu isə mövsümün uzun marafonunda son dərəcə önəmlidir. Seçim imkanların olduqda həm Premyer Liqada, həm də Çempionlar Liqasında rəqabət apara bilirsən.”

Qeyd edək ki, “Arsenal” İngiltərə çempionluğunu sonuncu dəfə 2004-cü ildə qazanıb.