"Vest Hem" mövsümdə ikinci dəfə baş məşqçi dəyişə bilər

İngiltərə Premyer Liqasında çıxış edən “Vest Hem” mövsüm ərzində ikinci dəfə baş məşqçi dəyişdirməyi nəzərdən keçirir.

90deqiqe.Az xəbər verir ki, bu barədə "talkSPORT" nəşri məlumat yayıb.

Hazırda Nunu Eşpiritu Santu ciddi təzyiq altındadır. Onun rəhbərliyi altında komanda 13 oyunda yalnız 2 qələbə, 4 heç-heçə və 7 məğlubiyyət əldə edib. “Çəkicçilər” turnir cədvəlində 18-ci pillədə qərarlaşıblar.

Qeyd olunur ki, Nunu Eşpiritu Santu “Vest Hem”i sentyabrın sonlarında çalışdırmağa başlayıb və Grem Potterin yerini tutub. Növbəti Premyer Liqa matçı klub üçün 30 dekabr, çərşənbə axşamı, evdə “Brayton”a qarşı baş tutacaq.