"Dekabr ayında titul haqqında danışmaq mənasızdır"

İngiltərə Premyer Liqasının turnir cədvəlində üçüncü pillədə qərarlaşan "Aston Villa" liderdən yalnız üç xal geri qalır.

90deqiqe.Az xəbər verir ki, "Aston Villa"nın baş məşqçisi Unai Emery çempionluq ümidləri barədə danışarkən deyib:

“İki il əvvəl mövsümün ilk yarısını 39 xalla tamamlamışdıq. İndi də 39 xalımız var və siz eyni sualı verirsiniz. İki il əvvəl 19 turdan sonra 39 xal topladıq və mövsümü dördüncü pillədə bitirdik. Bu, fantastik olardı, amma dekabrda titul barədə danışmaq mənim üçün mənasızdır. Qarşıdakı oyun öncəsi "Arsenal"dan üç xal geri qalırıq – bu bizim motivasiyamızdır. Əgər 38 turun nəticələrini düşünsək, anı yaşaya bilmərik” 

"Aston Villa" və "Arsenal" komandaları 30 dekabr tarixində qarşılaşacaq.