“Mançester Yunayted" transfer etməyəcək

“Mançester Yunayted”in baş məşqçisi Ruben Amorim bildirib ki, qış transfer pəncərəsində yeni futbolçu alınması tələb olunmayacaq.

90deqiqe.Az xəbər verir ki, "Sky Sports" çalışdırıcının dediklərini belə çatdırıb.

“Mən yeni transferlər tələb etməyəcəyəm. Komanda ehtiyaclarımızı bilir. Keçmiş səhvləri təkrarlamamaq üçün prosesi izlədiyimizi başa düşürəm.
Əgər bu anda bəzi çətinliklər yaşasaq, yəqin ki, yayda iki addım öndə olacağıq. Yanvar transfer bazarı həqiqətən çətindir, buna görə də vəziyyətə baxacağıq.”

Premyer Liqanın 18 turundan sonra “Mançester Yunayted” 29 xal toplayaraq 6-cı pillədə qərarlaşıb. Komanda 19-cu turda 30 dekabr tarixində “Vulverhempton”la qarşılaşacaq.