“Çempionluq yarışı hələ açıqdır”

“Mançester Siti”nin baş məşqçisi Pep Qvardiola “Sanderlend”lə matçdan öncə çempionluq yarışını şərh edib.

90deqiqe.Az-ın "BBC"ə istinadən məlumatına görə, o, jurnalistin “Titul uğrunda yalnız iki klub mübarizə aparır?” sualına belə cavab verib:

“Əminsiniz? Bir neçə həftə əvvəl bu yalnız ‘Arsenal’ idi, sonra üç klub namizəd idi, indi isə yalnız ikisi qalıb. Görək nə baş verəcək”.

Hazırda “Mançester Siti” bir oyunu az keçirərək 40 xalla ikinci pillədədir. Lider “Arsenal” 45 xalla, “Aston Villa” isə 39 xalla üçüncü yerdədir. Cari çempion “Liverpul” 32 xalla dördüncüdür və 1 yanvarda “Lids”lə qarşılaşacaq.