Salah Premyer Liqada yaradılan qol vəziyyətləri üzrə liderdir

"Liverpul"un hücumçusu Məhəmməd Salah 2025-ci ildə İngiltərə Premyer Liqasında yaradılan qol vəziyyətlərinin sayına görə lider olub.

90deqiqe.Az-ın "WhoScored"a istinadən məlumatına görə, misirli futbolçu cari ildə 19 qol epizodu yaradıb.

2025/2026 mövsümündə Məhəmməd Salah bütün turnirlərdə 20 oyunda meydana çıxaraq 5 qol vurub və 4 məhsuldar ötürmə ilə yadda qalıb. Transfermarkt portalının məlumatına əsasən, futbolçunun bazar dəyəri 30 milyon avro təşkil edir.

Daha əvvəl yayılan xəbərlərdə bildirilirdi ki, Kilian Mbappenin zədələnməsi fonunda onun bir neçə həftə yaşıl meydanlardan uzaq qalma ehtimalı yaranıb və bu səbəbdən Salahın namizədliyi futbolçunun agentləri tərəfindən Madridin "Real" klubuna təklif olunub.