Amorim Premyer Liqa tarixində “Mançester Yunayted”in ən zəif baş məşqçisidir

Portuqaliyalı mütəxəssis Ruben Amorim İngiltərə Premyer Liqası tarixində (turnir 1992-ci ildən keçirilir) “Mançester Yunayted”in ən zəif baş məşqçisi olub.

90deqiqe.Az-ın "Opta"ya istinadən məlumatına görə,  Amorimin rəhbərliyi altında “qırmızı şeytanlar” Premyer Liqada keçirdikləri oyunların cəmi 32 faizində qələbə qazanıblar.

Bundan əlavə, onun dövründə “Mançester Yunayted” ən aşağı “qapını toxunulmaz saxlama” göstəricisinə malik olub — cəmi 15%.

Hazırda Mançester təmsilçisi Premyer Liqanın turnir cədvəlində 20 oyundan sonra 31 xalla 5-ci pillədə qərarlaşıb. Komanda lider “Arsenal”dan 17 xal geri qalır.