"Komanda hər həftə fərqli görünür"

“Arsenal”ın baş məşqçisi Mikel Arteta İngiltərə Premyer Liqasının 21-ci turu çərçivəsində “Liverpul”la oyundan öncə komandanın hazırkı durumu ilə bağlı fikirlərini bölüşüb.

90deqiqe.Az xəbər verir ki, ispan çalışdırıcı bu barədə jurnalistlərə açıqlamasında deyib.

“Müqayisə etməyi sevmirəm. Hər həftə komanda fərqli olur, çünki futbolçuların əlçatanlığı dəyişir, turnir cədvəlində vəziyyət yenilənir. Əsas məsələ komandanın artıq gördüyü yaxşı işləri qoruyub saxlamaqdır. Məhz sabitlik həlledici amil olacaq. Hər oyunun nə qədər çətin olduğunu anlayırıq və buna böyük həvəslə, həmçinin harada olduğumuzu dəqiq dərk edərək yanaşırıq”

Qeyd edək ki, “topçular” yanvarın 8-də doğma meydanda “Liverpul”u qəbul edəcək. Qarşılaşma Bakı vaxtı ilə saat 00:00-da start götürəcək.