“Liverpul" hələ də möhtəşəm komandadır”

“Arsenal”ın baş məşqçisi Mikel Arteta İngiltərə Premyer Liqasının 21-ci turu çərçivəsində “Liverpul”la keçiriləcək oyun ərəfəsində rəqib komanda ilə bağlı fikirlərini bölüşüb.

90deqiqe.Az-ın məlumatına görə, mövsümün əvvəlindən mersisaydlıları çempionluq uğrunda əsas rəqiblərdən biri kimi görüb-görmədiyi ilə bağlı suala cavab verən ispan mütəxəssis bildirib ki, mövqeyi dəyişməz qalır:

“Onları hələ də möhtəşəm komanda hesab edirəm. Konteksti də nəzərə almaq lazımdır – müəyyən zədələr var və liqa hamımız üçün çox çətindir. Mənim ‘Liverpul’la bağlı fikrim dəyişməyib”

Qeyd edək ki, sabah, yanvarın 8-də “Arsenal” doğma meydanda İngiltərə Premyer Liqasının 21-ci turu çərçivəsində “Liverpul”u qəbul edəcək.