Premyer Liqada çempionluğun əsas favoriti “Arsenal”dır

"Opta" İngiltərə Premyer Liqasında çıxış edən klubların çempionluq şanslarını yenidən hesablayıb.  

90deqiqe.Az-ın məlumatına görə, hazırda turnir cədvəlinə ən yaxın izləyicisi “Mançester Siti”ni 6 xal qabaqlayan Londonun “Arsenal” klubu çempionluq yarışının əsas favoriti hesab olunur. “Topçular”ın Premyer Liqanı qazanmaq ehtimalı 84,8% olaraq göstərilib.

Son çempion “Mançester Siti”nin titul şansları isə xeyli azalaraq 10,9%-ə düşüb. “Aston Villa” üçün bu göstərici 4,2%, “Liverpul” və “Çelsi” üçün isə cəmi 0,1% təşkil edir.

Qeyd edək ki, Premyer Liqa tarixində oxşar vəziyyətlər də yaşanıb. Belə ki, 1997/98 mövsümündə “Mançester Yunayted” 20 turdan sonra ikinci yeri 6 xal qabaqlasa da, mövsümün sonunda çempionluğu məhz “Arsenal” qazanıb. 1995/96 mövsümündə “Nyukasl” 7 xallıq üstünlüyü əldən verərək “Mançester Yunayted”ə uduzub. 2018/19 mövsümündə isə “Liverpul”un 9 xallıq üstünlüyü Pep Qvardiolanın rəhbərlik etdiyi “Mançester Siti” tərəfindən aradan qaldırılıb.

Bu faktlar Premyer Liqada çempionluq mübarizəsinin sonadək yüksək gərginliklə davam etdiyini bir daha göstərir.