“Tottenhem” klubunun əfsanəsi vəfat edib

İngiltərənin “Tottenhem” klubunun sabiq futbolçusu Martin Çiversin 80 yaşında vəfat edib.

90deqiqe.Az-ın məlumatına görə, bununla bağlı London klubu sosial şəbəkələrdə başsağlığı paylaşıb.

“Əfsanəvi keçmiş hücumçumuz Martin Çiversin vəfat etdiyini dərin kədərlə bildiririk. Bu son dərəcə ağır gündə Martinın ailəsinə, dostlarına və keçmiş komanda yoldaşlarına ən səmimi başsağlıqlarımızı çatdırırıq. Bugünkü ‘Bornmut’la oyunda futbolçularımız matəm sarğısı ilə meydana çıxacaqlar. Ruhun şad olsun, Martin. Bütün dövrlərin ən böyük futbolçularından biri”.

Qeyd edək ki, Martin Çivers “Tottenhem”in heyətində İngiltərə Liqa Kubokunu və UEFA Kubokunu qazanıb.