Haland Premyer Liqa tarixində 35.000-ci qolu vurdu

İngiltərə Premyer Liqasının 21-ci turu çərçivəsində “Mançester Siti” öz meydanında “Brayton”a qalib gəlir.

90deqiqe.Az xəbər verir ki, norveçli hücumçu Erlinq Haland penalti zərbəsini dəqiq yerinə yetirərək komandası üçün önə keçib.

Maraqlı məqam odur ki, Halandın qolu Premyer Liqanın tarixində 35 000-ci qol olub.

Qeyd edək ki, İngiltərə Premyer Liqası 15 avqust 1992-ci ildə ilk oyunları ilə start götürüb. Dinamikanı anlamaq üçün bildirək ki, 30 000-ci qol 2021-ci ilin avqust ayında vurulmuşdu. Sonrakı dörd il 131 gündə isə əlavə 5 000 qol qeydə alınıb.

Xatırladaq ki, Erlinq Haland  2022-ci ildən bəri “Mançester Siti”nin formasını geyinir.