“Mançester Siti” evdə xal itirdi

İngiltərə Premyer Liqasının 2025/2026 mövsümünün 21-ci turu çərçivəsində “Mançester Siti” öz meydanında “Brayton”u qəbul edib.

90deqiqe.Az xəbər verir ki, Mançesterdəki “Etihad” stadionunda baş tutan görüş 1:1 hesablı bərabərliklə yekunlaşıb.

41-ci dəqiqədə “Mançester Siti”nin hücumçusu Erlinq Holand penalti zərbəsini dəqiq yerinə yetirərək komandasını hesabda önə çıxarıb. 60-cı dəqiqədə isə qonaqların yapon kanat oyunçusu Kaoru Mitoma hesabda bərabərliyi bərpa edib.

Bu nəticədən sonra “Mançester Siti” 21 oyundan sonra 43 xala malikdir və lider “Arsenal”dan, onların bir oyunu az olduğuna baxmayaraq, 5 xal geri qalır. “Brayton” isə 29 xalla Premyer Liqada 11-ci pillədə qərarlaşıb.