“Mançester Yunayted” müvəqqəti baş məşqçi postu üçün onunla danışıqlar aparacaq

“Mançester Yunayted” klubu mütəxəssis Ole-Qunnar Sulşerlə müvəqqəti baş məşqçi postuna təyinatla bağlı danışıqlar aparacaq. 

90deqiqe.Az-ın məlumatına görə, norveçli çalışdırıcı klub rəhbərliyi ilə artıq məsafədən ilkin danışıqlar aparıb. Lakin “Mançester Yunayted” tərəfi rəsmi şəxsi görüşün keçirilməsində israrlıdır. Görüşün şənbə günü, yanvarın 10-da baş tutacağı gözlənilir.

Eyni zamanda, komandanın baş məşqçi postu üçün digər namizəd kimi Mayk Kerrik də nəzərdən keçirilir. Bildirilir ki, Kerriklə görüş cümə axşamı, yanvarın 8-də keçirilib.

Qeyd edək ki, Ole-Qunnar Sulşer 2018–2021-ci illərdə “qırmızı şeytanlar”a rəhbərlik edib. “Mançester Yunayted” yanvarın 5-də Ruben Amorimin baş məşqçi vəzifəsindən ayrıldığını açıqlayıb. Portuqaliyalı mütəxəssis 11 noyabr 2024-cü ildən 5 yanvar 2026-cı ilədək klubda çalışıb.