"Real Madrid"in keçmiş oyunçusu "Mançester Yunayted"in məşqçilər heyətinə qoşulacaq

Yaxın saatlarda “Mançester Yunayted” klubunun Maykl Kerriki mövsümün sonunadək baş məşqçi postuna təyin etdiyini rəsmən açıqlayacağı gözlənilir.

90deqiqe.Az xəbər verir ki, Kerrikin məşqçilər korpusunda Stiv Holland, Conatan Vudgeyt, Conni Evans və Trevis Binniyon yer alacaq. Stiv Holland daha əvvəl İngiltərə milli komandasının məşqçilər heyətində fəaliyyət göstərib. Conatan Vudgeyt isə futbolçu karyerası dövründə Madrid “Real”ında çıxış etməsi ilə yadda qalıb.

Qeyd edək ki, “Mançester Yunayted” hazırda İngiltərə Premyer Liqasının turnir cədvəlində yeddinci pillədə qərarlaşıb.