"Mançester Yunayted"in nə edəcəyinə nəzarət edə bilmirəm"

İngiltərə Premyer Liqasının növbəti turunda “Mançester Yunayted” doğma stadionunda “Mançester Siti” ilə üz-üzə gələcək.

90deqiqe.Az xəbər verir ki, qarşılaşma ərəfəsində “şəhərlilər”in baş məşqçisi Xosep Qvardiola rəqib barədə açıqlama verib.

Təcrübəli mütəxəssis bildirib ki, “Mançester Yunayted”in baş məşqçi Ruben Amorimi istefaya göndərməsi klubun daxili qərarıdır:

“Mövcud vəziyyət belədir. ‘Mançester Yunayted’in verdiyi qərarlara təsir göstərə bilmərəm. Mənim bu klub barədə mövqeyim əvvəldən məlumdur. Orada nə baş verdiyini bilmirəm, çünki həmin proseslərin içində deyiləm”.

Qeyd edək ki, Mançester derbisi yanvarın 17-də Bakı vaxtı ilə saat 16:30-da start götürəcək.