“Arsenal” çox yaxşı ritm yığıb"

“Arsenal”ın baş məşqçisi Mikel Arteta komandasının hazırkı oyun forması ilə bağlı fikirlərini bölüşüb.

90deqiqe.Az xəbər verir ki, ispaniyalı mütəxəssis komandanın oyun səviyyəsindən razı qaldığını vurğulayıb:

“Hazırda çox yaxşı ritm yığırıq. Özünəinam göstərdiyimiz oyunun keyfiyyətindən və bu mövsüm ərzində ortaya qoyduğumuz səviyyədən irəli gəlir. ‘Stemford Bric’ stadionunda etdiklərimiz bizə lazımi potensialın olduğunu göstərməlidir. Amma reallıq ondan ibarətdir ki, bunu hər oyunda sübut etməliyik. Dörd turnirin hamısında mübarizəni davam etdirdiyimiz üçün çox məmnunuq”, – deyə Arteta jurnalistlərə bildirib.

Qeyd edək ki, “kanonirlər” Liqa Kubokunun yarımfinal mərhələsinin ilk oyununda səfərdə “Çelsi”ni 3:2 hesabı ilə məğlub edib. London təmsilçisi Premyer Liqada isə ən yaxın rəqiblərini 6 xal qabaqlayaraq liderliyini qoruyur.