“Robertsonun mövqeyi onun peşəkarlığından xəbər verir”

“Liverpul”un baş məşqçisi Arne Slot müdafiəçi Endryu Robertsonun son açıqlamalarına münasibət bildirib.  

90deqiqe.Az xəbər verir ki, niderlandlı çalışdırıcı futbolçusunun mövqeyini anlayışla qarşıladığını vurğulayıb:

“Onun davranışını xüsusi qeyd etməliyəm. Robertson çox yetkin mövqe sərgiləyir və nə demək istədiyini yaxşı başa düşürəm. Hər bir futbolçu meydana hər oyunda çıxmadıqda öz hazırkı durumu ilə bağlı bu cür hisslər yaşamalıdır. Bununla yanaşı, indiki rolundan zövq aldığını deməsi məni sevindirir. O, kifayət qədər oyun keçirib, lakin istədiyi qədər yox. Buna baxmayaraq, meydandakı davranışı və jurnalistlərə verdiyi açıqlamalar böyük hörmətə layiqdir. Bu, onun həm insan, həm də peşəkar kimi keyfiyyətlərindən xəbər verir”

Qeyd edək ki, şotlandiyalı futbolçu yaxın vaxtlarda daha çox oyun şansı qazanmaq istədiyini qeyd etmişdi.

Əlavə edək ki, “Liverpul” yanvarın 17-də doğma meydanda “Börnli”ni qəbul edəcək.