- İngiltərə P.L.
- 23:01 16.01.2026
“Mançester Yunayted”in yarımmüdafiəçisi Kazemironun klubla mövcud müqaviləsi 2025/2026 mövsümünün sonuna qədər qüvvədədir. Sözləşmədə daha bir il müddətinə uzadılma opsiyası da nəzərdə tutulub.
90deqiqe.Az-ın "Transfer News Live"yə istinadən məlumatına görə, bu opsiyanın aktivləşdirilməsi üçün futbolçu 2025/2026 mövsümündə 35 oyunda start heyətdə meydana çıxmalıdır.
Hazırkı mövsümdə 33 yaşlı yarımmüdafiəçi “qırmızı şeytanlar”ın heyətində 18 oyuna start heyətdə başlayıb. Mövsümün sonuna qədər “Mançester Yunayted”i daha 17 qarşılaşma gözləyir. Beləliklə, braziliyalının müqavilə uzatma şərtini yerinə yetirməsi üçün qalan bütün matçlarda start heyətdə yer alması vacibdir.
Qeyd edək ki, yanvarın 17-də “Mançester Yunayted” Premyer Liqa çərçivəsində doğma meydanda “Mançester Siti”ni qəbul edəcək.
