Zirkzinin “Mançester Yunayted”də son matçı ola bilər

Niderlandlı hücumçu Coşua Zirkzi zədə səbəbindən “Mançester Yunayted”in düşərgəsindən kənarda qalıb.

90deqiqe.Az-ın məlumatına görə, 24 yaşlı forvard cari mövsümün sonunadək “qırmızı şeytanlar”ın formasında meydana çıxmaya bilər.

Futbolçu karyerasını İtaliyanın “Roma” klubunda davam etdirmək istəyir. Roma təmsilçisi Zirkzini satınalma hüququ ilə icarəyə götürməyi planlaşdırır.

Bu mövsüm bütün turnirlər üzrə 16 oyunda iştirak edən hücumçu 2 qol vurub və 1 məhsuldar ötürmə ilə yadda qalıb. Qeyd edək ki, Coşua Zirkzinin “Mançester Yunayted”lə mövcud əmək müqaviləsi 2029-cu ilin yayına qədər qüvvədədir.