“Arsenal” səfərdə xal itirdi

İngiltərə Premyer Liqasının 2025/2026 mövsümünün 22-ci turu çərçivəsində “Nottingem Forest” və “Arsenal” qarşılaşıb.

90deqiqe.Az xəbər verir ki, Nottingem şəhərindəki “Siti Qraund” stadionunda keçirilən oyunu baş hakim Maykl Oliver idarə edib. Görüşdə tərəflər qol vura bilməyib və matç 0:0 hesablı heç-heçə ilə yekunlaşıb.

Bu nəticədən sonra “Arsenal” 22 turdan sonra 50 xalla turnir cədvəlinin lideri mövqeyini qoruyub. “Topçular”ın ən yaxın izləyicisi olan “Mançester Siti” ilə xal fərqi 7-dir. “Nottingem Forest” isə 22 xalla 17-ci pillədə qərarlaşıb.

Növbəti turda “Arsenal” yanvarın 25-də “Mançester Yunayted”lə üz-üzə gələcək. Elə həmin gün “Nottingem Forest” “Brentford”la qarşılaşacaq.