“Çelsi”dən inamlı qələbə

İngiltərə Premyer Liqasının 2025/2026 mövsümünün XXII turu çərçivəsində keçirilən “Çelsi” – “Brentford” oyunu başa çatıb.

90deqiqe.Az xəbər verir ki, Londonun “Stemford Bric” stadionunda baş tutan qarşılaşmanı baş hakim Con Bruks idarə edib. Görüş meydan sahiblərinin 2:0 hesablı qələbəsi ilə yekunlaşıb.

Matçda hesabı 26-cı dəqiqədə “Çelsi”nin braziliyalı hücumçusu Joao Pedro açıb. İkinci hissədə, 76-cı dəqiqədə Koul Palmer penalti zərbəsini dəqiq yerinə yetirərək fərqi iki topa çatdırıb.

Bu nəticədən sonra “Çelsi” 22 oyundan 34 xal toplayaraq turnir cədvəlində 6-cı pillədə qərarlaşıb. “Brentford” isə 33 xalla 7-ci sırada yer alır.

Növbəti turda “mavilər” 25 yanvar tarixində “Kristal Pelas”la qarşılaşacaq. “Brentford” da həmin gün **“Nottingem Forest”**lə üz-üzə gələcək.