"Nottingem Forest" bir xala layiq idi"

İngiltərə Premyer Liqasının XXII turu çərçivəsində çempionatın lideri “Arsenal” xal itkisi ilə üzləşib. London klubu “Nottingem”lə keçirilən qarşılaşmada heç-heçə edərək gözlənilməz nəticə ilə kifayətlənib.

90deqiqe.Az-ın "BBC Sport"a istinadən məlumata görə, oyunu İngiltərə millisinin sabiq kapitanı Stiven Cerrard şərh edib:

“Belə bir matçda ‘Nottingem’ xala layiq idi, Şon Dayç nəticədən razı qala bilər. ‘Arsenal’ ilk hissədə qol imkanlarını amansızcasına boşa verdi. Bu xal həlledici ola bilər” 

Qeyd edək ki, xal itkisinə baxmayaraq, “Arsenal” Premyer Liqanın turnir cədvəlində liderliyini qoruyur. London klubu sonuncu dəfə 2004-cü ildə İngiltərə çempionu olub.