“Bu, uzun müddətdən sonra "Mançester Yunayted"in ən yaxşı oyunu idi”

“Mançester Yunayted”in sabiq hücumçusu Ueyn Runi İngiltərə Premyer Liqasının 22-ci turunda “Mançester Siti”yə qarşı keçirilən və “qırmızı şeytanlar”ın 2:0 hesablı qələbəsi ilə başa çatan derbidən sonra fikirlərini bölüşüb.

90deqiqe.Az "Metro"ya istinadən xəbər verir ki, şənbə günü baş tutan qarşılaşmanı dəyərləndirən Runi bildirib ki, bu oyun “Mançester Yunayted” üçün son uzun müddətdə ən yaxşı çıxış olub:

“Düşünürəm ki, ümumilikdə onlar artıq yaxşı nəticələr əldə ediblər, lakin bugünkü oyun, mənim fikrimcə, ‘Mançester Yunayted’in uzun-uzadı müddətdən sonra ən yaxşı performansı idi.

Əgər soruşsalar ki, klub niyə baş məşqçi postuna keçmiş oyunçunu gətirdi, cavab çox sadədir: Maykl Kerrik klubu tanıyır, onun DNT-sini bilir. Biz bunun hamısını bu gün meydanda gördük. Məncə, onlar sadəcə möhtəşəm idilər”.