Van Deyk “Liverpul”un Premyer Liqa rekordunu təkrarladı

İngiltərə Premyer Liqasının 23-cü turu çərçivəsində “Liverpul” səfərdə “Bornmut”un qonağı olur.

90deqiqe.Az-ın "Squawka"ya istinadən məlumata görə, ilk hissənin son dəqiqələrində mersisaydlıların heyətində Vircil van Deyk fərqlənib. Niderlandlı müdafiəçi bununla da klub tarixində öz mövqeyində rekord göstəricini təkrarlayıb.

Belə ki, van Deyk Premyer Liqada “Liverpul” forması ilə artıq 22-ci qolunu vurub. Bu göstəriciyə qədər “qırmızılar”ın heyətində müdafiəçilər arasında yalnız Sami Hyypiä nail olmuşdu.

Hazırda tabloda 2:2 hesabı qeydə alınıb. Arne Slotun komandası matç ərzində iki top fərqini aradan qaldırıb.