Kalafyori “Mançester Yunayted”lə oyun öncəsi “Arsenal”ın heyətinə qoşuldu

“Arsenal” klubunun müdafiəçisi Rikardo Kalafyori “Mançester Yunayted”lə oyun öncəsi komanda ilə birlikdə otelə gəlib.

 90deqiqe.Az-ın "Arsenal Team"a istinadən məlumata görə, italiyalı müdafiəçi son zədəsindən sonra tam şəkildə məşqlərə qayıdıb. Bununla belə, onun matçda iştirak edib-etməyəcəyi ilə bağlı yekun qərar hələ verilməyib. Bu məsələ oyunun başlanmasına yaxın dəqiqləşəcək.

Cari mövsümdə Kalafyori bütün turnirlərdə 20 oyuna çıxıb, 1 qol vurub və 3 məhsuldar ötürmə ilə yadda qalıb.

Qeyd edək ki, “Arsenal” – “Mançester Yunayted” qarşılaşması bu gün, 25 yanvar tarixində keçiriləcək. İngiltərə Premyer Liqasının 23-cü turu çərçivəsində baş tutacaq görüş Bakı vaxtı ilə saat 20:30-da start götürəcək.