Pato İngiltərə klubunu almağa yaxındır

“Мilan”ın sabiq hücumçusu Alexandre Pato aktiv futbola bu dəfə fərqli statusda – klub sahibi kimi qayıda bilər.

90deqiqe.Az-ın məlumatına görə, braziliyalı sabiq futbolçu İngiltərənin “Kolçester” klubunun nəzarət paketini almaqla bağlı danışıqlar aparır. Hazırda komanda İngiltərə futbolunun dördüncü ən güclü divizionu olan "League Two"da mübarizə aparır.

Klub rəhbərliyi Pato ilə danışıqların aparıldığını təsdiqləyib. Bundan əlavə, son dövrlərdə braziliyalının “Kolçester”in oyunlarında tez-tez görünməsi diqqət çəkir.

Hazırda Denni Koulinin rəhbərlik etdiyi kollektiv yüksəliş mərhələsindədir və "League One"a yüksəlmək uğrunda mübarizə aparır. Pato kimi tanınmış simanın kluba qoşulması bu mübarizəyə əlavə mediaya diqqət cəlb edə bilər.