“Arsenal” Premyer Liqada üç oyunluq qələbəsiz seriyaya son qoydu

İngiltərə Premyer Liqasının XXIV turu çərçivəsində “Arsenal” səfərdə “Lids Yunayted”i 4:0 hesabı ilə məğlub edib.

90deqiqe.Az-ın məlumatına görə, bu qələbə ilə London təmsilçisi çempionatdakı üç oyunluq qələbəsiz seriyasına son qoyub. “Topçular” bundan əvvəl “Liverpul” (0:0) və “Nottingem Forest” (0:0) ilə heç-heçə edib, “Mançester Yunayted”ə isə 2:3 hesabı ilə uduzmuşdu.

Qazanılan üç xaldan sonra “Arsenal” 53 xalla İngiltərə Premyer Liqasının turnir cədvəlinə liderlik edir. 46 xalı olan “Mançester Siti” və “Aston Villa” isə bir oyun ehtiyatları olmaqla müvafiq olaraq 2-ci və 3-cü pillələrdə qərarlaşıblar.

Növbəti turda Mikel Artetanın rəhbərlik etdiyi kollektiv fevralın 7-də “Sanderlend”lə qarşılaşacaq.