Sandro Tonalinin agenti “Arsenal” xəbərlərini təkzib etdi

“Nyukasl”ın yarımmüdafiəçisi Sandro Tonalinin agenti futbolçunun “Arsenal”la danışıqlar apardığı xəbərlərini təkzib edib.

90deqiqe.Az xəbər verir ki, agentin sözlərinə görə, “qara quşlar” futbolçunu ən azı yay mövsümünə qədər heç yerə buraxmayacaqlar.

“Biz heç vaxt ‘Arsenal’la danışıqlar aparmamışıq. ‘Nyukasl’ Tonalini yanvarda buraxmayacaq. Hətta bu mövzu müzakirə belə edilməyib”

Tonalinin “Nyukasl”la mövcud müqaviləsi 30 iyun 2028-ci ilə qədər nəzərdə tutulub. 25 yaşlı futbolçunun bazar qiyməti 75 milyon avrodur. 2025/2026 mövsümündə Tonali bütün turnirlərdə 35 oyuna çıxaraq 5 məhsuldar ötürmə edib.