“Gələn həftəni belə bilmirəm”

“Nyukasl”ın direktoru Devid Hopkinsonun 2030-cu ilə qədər Premyer Liqanı qazanmaqla bağlı açıqlamasına komandanın baş məşqçisi Eddi Hau münasibət bildirib.

90deqiqe.Az xəbər verir ki, mütəxəssis bu cür proqnozlara ehtiyatla yanaşdığını qeyd edib:

“Belə suallara cavab vermək asan deyil. Müddətlər və planlarla bağlı danışmaq hər zaman çətindir. Mən diqqətimi əsasən komandadakı futbolçuların inkişafına yönəldirəm. Transferlər, məşq prosesi və yeni oyunçuların seçimi var. Bütün bunların bizi hansı nəticəyə gətirib çıxaracağını zaman göstərəcək. Konkret tarixlər barədə fikir bildirmək çətindir”, — deyə Hau vurğulayıb.

Hazırda “Nyukasl” İngiltərə Premyer Liqasının turnir cədvəlində 11-ci yerdədir.