"Nəticədən çox məyus oldum"

“Nyukasl”ın baş məşqçisi Eddi Hau “Brentford”a qarşı məğlubiyyət barədə fikirlərini bölüşüb.

90deqiqe.Az xəbər verir ki, mütəxəssis bu barədə jurnalistlərə açıqlamasında deyib.

“Həmişə dürüst olmağa çalışıram, istər yaxşı, istərsə də pis oyun olsun. Şənbə günü nəticədən çox məyus oldum. Oyun istədiyimiz səviyyəyə uyğun deyildi. Vəziyyəti nəzarətə götürməyə çalışacağıq və indi gələcəyə fokuslanacağıq.”

İngiltərə Premyer Liqasının 25-ci tur matçı 2:3 hesabı ilə “Brentford”un xeyrinə başa çatıb.

25 turdan sonra “Nyukasl” 33 xalla Premyer Liqada 12-ci pillədə qərarlaşıb. Növbəti turda Hau-nun komandası fevralın 10-da səfərdə “Tottenhem”lə qarşılaşacaq.