"Nike” şirkəti İngiltərənin “Liverpul” klubunun texniki sponsoru ola bilər.
Corner.az İngiltərə mətbuatına istinadən xəbər verir ki, Premyer liqa təmsilçisi ABŞ şirkəti ilə razılığa gəlməyə yaxındı.
Klubla şirkətin razılığa gələcəyi halda, imzalanacaq müqavilənin İngiltərə üçün rekord məbləğdə olacağı bildirilir.
Liverpul'un hazırkı sponsoru “Nyu Balans”la müqaviləyə görə, klub bir mövsüm üçün 45 milyon funt-sterlinq qazanır. Müqavilənin müddəti 2020-ci ilin iyununa qədər nəzərdə tutulub.
Qeyd edək ki, İngiltərə Premyer Liqasındakı ən yüksək ödənişli müqavilə “Adidas” şirkəti ilə “Mançester Yunayted” arasındadır.