“Tottenhem” Tomas Frankla yollarını ayırdı

İngiltərə Premyer Liqası təmsilçisi “Tottenhem” baş məşqçi Tomas Frankla əməkdaşlığa son qoyub.

 90deqiqe.Az xəbər verir ki, bu barədə klubun rəsmi saytı məlumat yayıb.

Klub rəhbərliyi bu qərarı komandanın daxili çempionatda qeyri-sabit çıxışı ilə əlaqələndirib. London təmsilçisi Premyer Liqada ardıcıl səkkiz oyundur qələbə qazana bilmir və 29 xalla 16-cı pillədə qərarlaşıb.

2025-ci ilin iyunundan komandaya rəhbərlik edən danimarkalı mütəxəssisin yerinə yeni baş məşqçi axtarışlarına start verilib.

Maraqlıdır ki, “Tottenhem” daxili arenadakı çətinliklərə baxmayaraq, UEFA Çempionlar Liqasında uğurlu nəticə göstərib. Komanda liqa mərhələsini 4-cü sırada tamamlayaraq birbaşa 1/8 finala vəsiqə əldə edib.