“Fofana uzun müddət sonra ardıcıl iki oyunda iştirak etdi, bu müsbət siqnaldır”

“Çelsi”nin baş məşqçisi Liam Rossenor müdafiəçi Uesli Fofananın fiziki durumunu qiymətləndirib.

90deqiqe.Az xəbər verir ki, mütəxəssis bu barədə jurnalistlərə açıqlamasında deyib.

“Uzun müddət sonra Fofana ardıcıl iki oyunda, həftənin ortasından həftəsonuna qədər oynadı. Bu, çox müsbət siqnaldır. Hər futbolçunun məqsədi budur ki, hər oyunda iştirak edə bilsin. Hələlik Fofana ilə bunu tam nail ola bilməmişik. Lakin mövcud tibbi heyətimiz və iş metodlarımızla əminəm ki, bunu bacaracağıq.”

Qeyd edək ki, Uesli Fofana 2022-ci ildə “Lester”dən “Çelsi”yə 80 milyon avroya transfer olunub. Onun müqaviləsi 30 iyun 2029-cu ilə qədər nəzərdə tutulub. Cari mövsümdə müdafiəçi “mavilər” forması ilə bütün turnirlərdə 24 oyuna çıxaraq 2 məhsuldar ötürmə edib.