- İngiltərə P.L.
- 23:38 28.03.2026
“Çelsi”nin sabiq baş məşqçisi Enzo Mareska “Tottenhem”i çalışdıra bilər.
90deqiqe.Az-ın "MatchDayCentral"a istinadən məlumata görə, Tomas Frankın istefasından sonra London klubu yeni baş məşqçi axtarışına başlayıb və italiyalı mütəxəssis əsas namizədlərdən biridir.
“Tottenhem” rəhbərliyi Mareskanın futbol fəlsəfəsini yüksək qiymətləndirir və yaxın günlərdə onunla əlaqə saxlamağa hazırlaşır.
Qeyd edək ki, Enzo Mareska 2024-2026-cı illərdə “Çelsi”ni çalışdırıb və 1 yanvar tarixində istefaya göndərilib. Onun rəhbərliyi altında “mavilər” Konfrans Liqasını və Klub Dünya Çempionatını qazanıblar.
Hazırda “Tottenhem” İngiltərə Premyer Liqasında 16-cı yerdə qərarlaşıb və London klubu qrupdan çıxış zonasından 5 xal aralıqdadır.
