“Tottenhem” özünün xilaskar baş məşqçisi tapıb

İngiltərə Premyer Liqasında çətin günlər yaşayan “Tottenhem” klubu baş məşqçisi Tomas Frankla yollarını ayırdıqdan sonra komandaya rəhbərlik edə biləcək namizədini İspaniyada tapıb.

 90deqiqe.Az-ın "Fichajes"ə istinadən məlumata görə, London klubun hədəfində “Barselona”nın sabiq baş məşqçisi Xavi Hernandes dayanır.

Klub rəhbərliyi Xavi Hernandezi masadakı ən güclü namizəd kimi görür. Rəhbərlik onu yalnız qısa müddətli “yanğın söndürən” deyil, komandanın oyun və struktur DNA-sını dəyişəcək uzunmüddətli bir layihənin memarı kimi dəyərləndirir.

Barselonadakı işindən sonra gələn bir çox təklifi geri çevirən Xavi üçün Tottenham macərası müəyyən şərtlərlə mümkündür. Katalan mütəxəssis, günü qurtaracaq addımlardan daha çox uzunmüddətli vizyon axtarır və klubun marağı yalnız xüsusi şərtlər daxilində ona uyğun ola bilər.

Xavi masaya oturduqda ilk tələb olaraq qısa müddətli xal itkilərinə səbr göstərilməsini və komandanın oyun kimliyinin tam yenilənməsi üçün vaxt tanınmasını istəyəcək.

Lakin onun razı salınması yalnız vaxtla bitmir. Təcrübəli mütəxəssis həm cəlbedici iqtisadi paket, həm də idmanla bağlı geniş səlahiyyətlər tələb edəcək. Transfer proseslərindən altyapıya qədər tam yetki verilən layihə qarşılığında Premyer Liqaya addım atmağa hazır olan Xavi, Tottenhamın böhrandan çıxması üçün ən radikal həll kimi gündəmdədir.

Komandanın 26 oyunluq mövsümdə göstərdiyi qeyri-sabit performans, rəhbərliyi yalnız məşqçi dəyişikliyinə deyil, klubun bütün idman fəlsəfəsini dəyişəcək “Xavi əməliyyatına” yönəldib.

Əgər tərəflər razılığa gələrsə, Xavi Hernandez karyerasında ilk dəfə İspaniya xaricinə çıxaraq dünyanın ən çətin liqasında “xilasetmə mübarizəsi” verəcək. İngiltərə klubu onun məşhur oyun fəlsəfəsi ilə düşmə zonasından uzaqlaşaraq gələcək mövsümlərin əsasını indidən qoymağı planlaşdırır.

Qeyd edək ki, “Tottenhem” üçün 2025/26 mövsümü kabusa çevrilib. Premyer Liqada keçirdikləri 26 turda yalnız 29 xal toplayan və düşmə zonasına cəmi 5 xal fərqi ilə yaxınlaşıb.