Arteta mövsüm sonunda “Arsenal”dan gedə bilər

"Arsenal"ın baş məşqçisi Mikel Arteta cari mövsümün sonunda klubdan ayrıla bilər.

90deqiqe.Az-ın "Fichajes"ə istinadən məlumata görə, “topçular”ın rəhbərliyi Artetaya açıq şəkildə bildirib ki, onun gələcəyi birbaşa mövsümün nəticəsindən asılıdır. Əgər “Arsenal” yenidən çempionluq qazana bilməsə, Artetanın baş məşqçi vəzifəsində qalması ehtimalı azdır.

Xatırladaq ki, Arteta 2019-cu ildən bəri “Arsenal”ı çalışdırır. Onun rəhbərliyi altında komanda son illərdə ardıcıl üç dəfə İngiltərə çempionatının ikinci pilləsində qərarlaşıb, lakin qızıl medala hələ çata bilməyib.

Son olaraq, “Arsenal” Premyer Liqanın 26-cı turunda səfərdə “Brentford”la 1:1 hesablı heç-heçə edib və cədvəldə birinci yerdə qalır. “Topçular” ilə "Mançester Siti" arasındakı xal fərqi dörd olub.