“Blekbern” Şimali İrlandiya millisinin baş məşqçisinə təklif göndərib

Bir zamanlar İngiltərə futbolunun aparıcı klublarından olan “Blekbern” hazırda ciddi böhran yaşayır.

90deqiqe.Az-ın məlumatına görə, komandanı Çempionşipdən aşağı liqaya düşmək təhlükəsi gözləyir.

Klub rəhbərliyi vəziyyətdən çıxış yolu kimi Şimali İrlandiya millisinin baş məşqçisi Maykl O'Nillə müraciət edib. Mütəxəssisə yığmadakı fəaliyyətini davam etdirməklə yanaşı, klubda da çalışmaq təklifi irəli sürülüb.

Qeyd edək ki, Şimali İrlandiya millisi hazırda dünya çempionatına vəsiqə uğrunda mübarizə aparır. Bu səbəbdən O’Nillin üzərinə böyük məsuliyyət düşür.

Buna baxmayaraq, “Blekbern” rəhbərliyi onun paralel şəkildə hər iki vəzifənin öhdəsindən gələ biləcəyinə inanır və hazırda Şimali İrlandiya Futbol Assosiasiyasının mövqeyini gözləyir.

Hazırda “Blekbern” Çempionşipin turnir cədvəlində sondan birinci pillədə qərarlaşıb.