“Mançester Siti” Niko Qonsalesin transferinə veto qoydu

"Mançester Siti" növbəti mövsüm üçün heyət planlamasını davam etdirir.

90deqiqe.Az-ın "El Nacional"a  istinadən məlumatına görə, komanda daxilində Rodriyə xas zədə meyilliliyi nəzərə alınaraq, “şəhərlilər” yarımmüdafiəçi Niko Qonsalesi heyətdə saxlamaqda maraqlıdır. Klub futbolçunun yay transfer pəncərəsində mümkün gedişinin qarşısını almaq qərarına gəlib.

Mənbənin iddiasına görə, Mançester təmsilçisinin bu qərarı "Barselona"nı məyus edə bilər. Kataloniya klubu Niko Qonsalesi yenidən heyətinə qaytarmaq variantını nəzərdən keçirirdi.

Qeyd edək ki, 2025/2026 mövsümündə 24 yaşlı yarımmüdafiəçi "Mançester Siti"nin heyətində 33 oyuna çıxıb və 1 qola imza atıb. Transfermarkt portalı futbolçunun transfer dəyərini 45 milyon avro olaraq qiymətləndirir.