- İngiltərə P.L.
- 22:24 21.02.2026
İngiltərə Premyer Liqasında yeni rekord qeydə alınıb.
90deqiqe.Az-ın məlumata görə, 40 yaşlı yarımmüdafiəçi Ceyms Milner 27-ci tur çərçivəsində “Brayton”un heyətində "Brentford" ilə qarşılaşmaya start heyətində çıxmaqla turnirdə 654-cü matçını keçirib. Beləliklə, Milner 653 oyunla əvvəlki rekorda sahib olan Qaret Barrini geridə qoyub.
İlk beşlikdə həmçinin Ryan Qiqqs (632 oyun), Frank Lampard (609) və Deyvid Ceyms (572) yer alır.
Milner "Liverpul"da ən çox oyun keçirib (230). O, həmçinin "Lids", "Nyukasl", "Aston Villa" və "Mançester Siti"də də oynayıb.
