Şeşko “Mançester Yunayted”in fevralın ən yaxşı futbolçusu oldu

“Mançester Yunayted” klubunda fevral ayının ən yaxşı oyunçusu seçilib.

90deqiqe.Az-ın məlumatına görə,mükafata sloveniyalı hücumçu Benyamin Şeşko layiq görülüb.

Şeşko fevralda dörd rəsmi oyunda iştirak edərək üç qol vurub. O, "Fulhem", “Vest Hem” və "Everton" komandalarının qapılarına yol tapıb.

Xüsusi olaraq, “Vest Hem”lə oyunda Şeşko sağ cinahdan ötürülən topu qısa toxunuşla tamamlayaraq qol vurub və bu qol “Mançester Yunayted” azarkeşləri tərəfindən fevralın ən yaxşı qolu seçilib. Bu qol komandanın məğlubiyyətdən qaçmasına imkan verib.

Qeyd edək ki, martın 1-də “Mançester Yunayted” doğma meydanda "Kristal Pelas" ilə qarşılaşacaq.