“Mançester Yunayted” Çempionlar Liqasına gedəcək”

"Mançester Yunayted"in keçmiş müdafiəçisi Qari Nevil komandanın hazırkı baş məşqçisi Maykl Kerrik barədə fikirlərini bölüşüb.

90deqiqe.Az xəbər verir ki, "Sky Sports" sabiq futbolçunun dediklərini belə çatdırıb.

“Komandanın bu günə gəldiyi vəziyyət məni heyrətləndirir, xüsusən də Milad bayramı öncəsi gördüklərimizdən sonra. “Arsenal” və “Siti” ilə matçlarda göstərilən oyun inanılmaz idi. Mən bunu gözləmirdim və düşünmürəm ki, bunu heç kim gözləyirdi. Bu seriya hər kəsi, bəlkə də, özü Kerriki də şoka saldı. O, belə nəticə haqqında xəyal belə qura bilməzdi. Hazırkı vəziyyətə baxanda, düşünürəm ki, “Mançester Yunayted” Çempionlar Liqasına vəsiqə qazanacaq”.

Qeyd edək ki, son Premyer Liqa matçında, 1 mart tarixində, “Mançester Yunayted” “Kristal Pelas”ı 2:1 hesabı ilə məğlub edərək qələbə qazanıb.