“Bu mövsüm heç bir komanda çempionluğu tam haqq etmir”

"Mançester Yunayted"in sabiq yarımmüdafiəçisi Pol Skoulz hazırkı Premyer Liqa çempionluğu yarışı barədə fikirlərini bölüşüb.

90deqiqe.Az xəbər verir ki, 51 yaşlı keçmiş futbolçu "The Good, The Bad & The Football" podkastında deyib:

“Əgər bu iki komandadan birini seçməli olsam, ‘Mançester Siti’ni göstərə bilərəm. Amma mən əmin deyiləm ki, bu mövsüm çempion titulunu vermək lazımdır. Kim qazanarsa qazansın, insanlar həmişə qalibi haqlı adlandırır, amma bu dəfə heç bir komanda məni inandıra bilmir. Heç kim çempionluğa layiq görünmür.”

"Arsenal" hazırda 64 xalla turnir cədvəlinə başçılıq edir. "Mançester Siti" bir oyun ehtiyatda olmaqla beş xal geridə qalaraq ikinci yerdədir.