“Palmeri öz mövqeyində oynadın”

"Çelsi"nin keçmiş oyunçusu Con Obi Mikel komandanın baş məşqçisi Liam Rosenyora çağırış edib.

90deqiqe.Az-ın məlumatına görə, o, yarımmüdafiəçi Koul Palmerin meydanda ən yaxşı mövqedə oynadılmadığını bildirib.

“Rosenyor niyə Palmeri öz mövqeyində meydana buraxmır? Palmer bizim ən yaxşı oyunçumuzdur. Onu ‘onluq’ mövqeyində istifadə et. ‘Çelsi’nin hər bir azarkeşi, mən də daxil olmaqla, Koulu məhz bu rolda görmək istəyir. Əgər Rosenyor məni eşidirsə, xahiş edirəm, Palmeri onun ən yaxşı mövqeyində oynatmaqla başla”, – deyə Obi Mikel podkastında vurğulayıb.

Qeyd edək ki, cari mövsümdə Koul Palmer bütün turnirlər daxil olmaqla 20 oyunda iştirak edib, 9 qol vurub və 3 məhsuldar ötürmə ilə yadda qalıb.