Maquayr Yunanıstandakı dava səbəbindən 15 aylıq şərti həbs cəzası aldı

"Mançester Yunayted"in müdafiəçisi Harri Maquayr cinayət məsuliyyətinə cəlb olunub.

90deqiqe.Az-ın məlumatına görə, o, ciddi təhlükə yaratmayan bədən xəsarətləri yetirməkdə təqsirli bilinib və məhkəmə tərəfindən 15 aylıq şərti həbs cəzasına məhkum edilib. 

Qərar 2020-ci ildə Maquayr və dostlarının Yunanıstanda, ailə istirahəti zamanı baş verən dava ilə bağlıdır. Müdafiəçinin məhkəmənin hökmünü apellyasiya edəcəyi gözlənilir.

Hadisə Mikonos adasında baş verib. Maquayr və dostları yerli barlardan birində digər ingilislərlə dava ediblər. Polis gəldikdən sonra müdafiəçi və dostları hüquq-mühafizə orqanlarına qarşı hücum ediblər. Nəticədə Maquayr və iki dostu həbs edilərək polis bölməsinə aparılıb.